O pobrense pavillón municipal de deportes da rúa Venecia acollerá o venres 29, a partir das 14.30 horas, o xantar de confraternidade dirixido a maiores de 60 anos. Así, un total de 850 persoas tomarán parte desta cita e degustarán os pratos cociñados por Chicolino Restauración. Ademais da propia comida, haberá baile e actuación musical a cargo de Mar Davila.
No xantar tamén estarán presentes a deputada de Educación, Sandra González Castro, e o alcalde da Pobra do Caramiñal, Xosé Lois Piñeiro García, así como o resto de membros da corporación municipal, representantes das empresas colaboradoras e membros de diferentes asociacións.