Fabiola García salienta o aumento das prazas públicas de atención á dependencia no Barbanza

19 Novembro 2019

A conselleira de Política Social, Fabiola García, visitou esta mañá o centro de día da Pobra do Caramiñal onde destacou o incremento do número de prazas públicas postas en marcha pola Xunta de Galicia nesta contorna desde o ano 2009. Actualmente, sinalou, existen ao redor de 200 persoas atendidas nos centros de día de Boiro, Dodro, Muros, Outes e A Pobra, cando en 2009 soamente existían dous. Ademais, concretou que se concederon 69 axudas a veciñas e veciños dos concellos da contorna para prazas en residencias e centros de día.

Fabiola García resaltou que estes centros forman parte da ampla rede pública deseñada polo Goberno galego nos últimos anos, que pon á disposición das galegas e galegos 3.300 prazas públicas en centros de día, o triplo que hai unha década. Así mesmo, lembrou que no último ano a Xunta abriu novos recursos deste tipo en Vilardevós, Arteixo, Ourense, Cuntis e Baleira. Proximamente, poderanse incorporar tamén os primeiros usuarios ao centro de día de Miño.

Paralelamente, a conselleira reparou nos servizos que o Goberno galego presta a aqueles maiores que deciden permanecer nos seus fogares. Para eles puxéronse en marcha programas como as casas do maior, pequenos centros de día para concellos de menos de 5.000 habitantes; os coidados porta a porta, que levan servizos de podoloxía, optometría e estimulación da memoria a 20 concellos galegos; ou o programa Xantar na Casa, que achega comida saudable e de calidade a 177 concellos de toda Galicia.

A conselleira sinalou que a Administración autonómica ten como obxectivo prestar os servizos de maior calidade, para o maior número de persoas e á medida dos maiores. Para iso, puntualiza que no próximo ano os orzamentos da Consellería de Política Social ampliarán un 5’2% as partidas para atención á dependencia ata chegar aos 450 millóns de euros.

Outros artigos

A Pobra dará a benvida ao Nadal no 2 de decembro

O prendido das luces e máis a inauguración do belén municipal marcarán o inicio do Nadal na Pobra do Caramiñal neste 2 de decembro. O acto terá lugar na praza Alcalde Segundo Durán, ás 18.00 horas, cando se ilumine a árbore alí situada e os Xardíns de Valle-Inclán,...

+

A Pobra condenou a violencia machista neste 25-N

Xornada de reflexión, sensibilización e reivindicación. A Pobra do Caramiñal condenou as actitudes machistas neste 25 de novembro, Día Internacional da Eliminación da Violencia contra a Muller, cos actos centrais que marcaron o punto final á programación da campaña...

+

Publicidade

Revista en papel

Opinión

“Villa de Pitanxo: quen minte aquí, señoría?”. Antón Luaces

“Villa de Pitanxo: quen minte aquí, señoría?”. Antón Luaces

Case que dous anos despois do naufraxio en Terranova do arrastreiro de Marín "Villa de Pitanxo", seguen as contradicións nas declaracións do patrón e un sobriño deste, as da casa armadora Nores, e un mariñeiro ghanés, tripulante do buque afundido a cuxas teses se...