A
Policía Local de Rianxo levou a cabo esta semana unha incautación
de drogas, armas e instrumentos para a preparación e distribución
de doses de estupefacientes. A
intervención levouse a cabo na mañá deste mércores 13 de
novembro, no transcurso dun operativo contra a venda e o consumo de
drogas. Durante este operativo, foi interceptado un vehículo no
que se puideron intervir tres doses de heroína dispostas para o seu
consumo, así como tamén unha báscula de precisión, diversos
útiles e dúas armas brancas.
A Policía Local de Rianxo
engadiu que o condutor foi sometido a un test de drogas dando
resultado positivo, procedéndose á inmobilización do vehículo e á
instrución das dilixencias e denuncias oportunas.