A Pobra acollerá unhas xornadas para visibilizar á muller na ciencia

13 Novembro 2019

O sábado 16 celebrarase a quinta edición das Xornadas Muller e Ciencia. Esta cita celebrarase no Auditorio do Museo Valle-Inclán en horario de 16.30 a 21.00 horas, contando con catro conferencias impartidas por expertas cunha relevante traxectoria profesional no eido científico. Así o deron a coñecer o alcalde Xosé Lois Piñeiro e a concelleira de Igualdade, Charo Varela.

A edil manifestou que o obxectivo radica en visibilizar á muller no mundo das ciencias, así como a importancia do seu traballo. Tamén considera que estas charlas son “de gran importancia, moi didácticas, que poñen á muller no lugar que ocupa na ciencia. Un lugar que cada ano é máis destacado. Hai moitas mulleres en Galicia que se dedican a investigación e, poñelas en valor, é poñer en valor o traballo da muller actual e o traballo de tantas mulleres que antes delas levan dando grandes pasos en beneficio da ciencia.”

Pola súa parte, o rexedor manifestou que se trata dunha cita consolidada no calendario municipal e subliñou a charla a cargo dunha das relatoras, natural da Pobra. Ademais, animou á veciñanza a asistir a estes coloquios.

Así, Ángeles Longa Portabales, doutora en Bioloxía pola Universidade de Santiago de Compostela (USC) e que traballou en distintos centros de investigación antes de incorporarse ao Consello Regulador da DOP do Mexillón de Galicia, impartirá O mexillón de Galicia e a ciencia; María Mercedes Álvarez Lires, doutora en Química pola Universidade de Vigo e posgraduada en Responsables de Coeducación pola Universidade de Barcelona, con A ciencia e a técnica teñen nome e face de muller; Laura González García, pobrense doutora en Marine Science, Technology and Management pola Universidade de Vigo e licenciada en Bioloxía Mariña pola Universidade de Santiago de Compostela (USC) con mestría en Oceanografía e outra en Biodiversidade e Ecosistemas, chegará con Das rías galegas ás baleas dos Azores; e Susana Ladra González, enxeñeira e doutora en Informática pola Universidade da Coruña e graduada en Matemáticas, fará o propio con Big data e xenómica.

As actividades son de balde e non precisan inscrición previa.

Outros artigos

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...