A Asociación AMBAR inaugura o proxecto Elas no Elma

08 Novembro 2019

O pobrense teatro Elma será escenario o sábado 9, ás 13.00 horas, da inauguración da peza de danza e coloquio Elas. Trátase dunha escenificación na que, a través da danza, as artistas da Asociación AMBAR das persoas con diversidade funcional amosarán as súa visión sobre o xénero e a diversidade cunha mensaxe de empoderamento focalizada na loita contra a violencia de xénero. Desta maneira, búscase visibilizar mediante a expresión artística unha problemática que afecta a tódalas mulleres.

A cita tamén contará cunha representante da asociación Mulleres en Acción, quen fará un percorrido pola situación actual das desigualdades e violencias cara as mulleres, ademais de ensinar ferramentas e medidas para poder abordalas.

Unha vez rematada a performance, procederase a un coloquio coas artistas con diversidades funcional que estarán acompañadas pola coreógrafa e bailarina Clara Ferrao, activa no proxecto Corpo a terra e que dirixiu a peza.

No acto estarán presentes representantes políticos dos diferentes concellos que representa a Deloa, acompañados pola xerente da Asociación Deloa, Paca Gago, e a presidenta de AMBAR, Milagros Rey.

Desde AMBAR manifestan que “temos o compromiso con nós mesmo/as e coa comunidade de xerar proxectos que visibilizen, reivindiquen e avoguen polos dereitos de todas as persoas, loitando contra as desigualdades e favorecendo un diálogo a prol da inclusión social.”

Esta acción está promovida pola Axencia de Desenvolvemento Rural da Xunta de Galicia a través da Asociación de Desenvolvemento Local Deloa.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...