Tres representacións baixan o pano da Alter Ego

23 Outubro 2019

A cuarta edición da Mostra de Teatro Afeccionado Alter Ego chega ao seu fin esta semana, despois de difundir ao longo de catro xornadas esta rama das artes escénicas entre a xuventude, así como dar a coñecer a outras agrupacións que levan a cabo programas de teatro afeccionado. Entre as actividades figuran aquelas dirixidas a un público familiar ou infantil -coma contacontos, por exemplo- na Biblioteca Pública Municipal Castelao, ademais de representacións máis tradicionais destinadas a uns espectadores, xeralmente, xuvenís e adultos na Sala Arcos Moldes do Auditorio municipal.

Así, o venres 25 desenvolverase Xente de pálida pel, a cargo de Estudio de Teatro Casahamlet, no Auditorio, ás 21.00 horas. A última xornada, a do sábado 26, disporá de Cambia o conto de Miguel Alonso, ás 12.00 horas, na Biblioteca; así como de Tía Anita y su fantasma con Cardume Teatro, ás 21.00 horas, no Auditorio.

O prezo de entrada por actuación establécese nos 2 euros, podendo adquirise no Auditorio unha hora antes de cada función.

Esta proposta está organizada pola Agrupación Teatral Criaturas, en colaboración co Concello de Rianxo e a Deputación da Coruña.

Outros artigos

Adiado en Rianxo até o 17 de maio o acto de homenaxe a Rosalía

A Área de Cultura do Concello de Rianxo confirmou hoxe que por mor das condicións climáticas adversas previstas para este venres 23 de febreiro, o acto en lembranza de Rosalía de Castro que estaba previsto para a dita xornada na praza de Padrón (no paseo da Ribeira a...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...