20191007. A Biblioteca municipal de Ribeira continúa desenvolvendo durante o mes de outubro os contacontos dirixidos a cativos con idades comprendidas entre os 3 e 12 anos. Deste xeito, preténdese contribuír á dinamización da lectura entre os máis novos. Así, no que resta de mes, terán lugar A maxia dos contos, a cargo de Manuel Solla -o sábado 12, ás 12.00 horas-; Mulleres galegas, da man de Polo Correo do Vento -o sábado 19, ás 12.00 horas-; e A festa da lingua galega, organizada polo Servizo de Normalización Lingüística de Ribeira -o sábado 26, ás 12.00 horas-.
A entrada a estas actividades é libre e de balde.