20191018. O grupo municipal do PSdeG-PSOE ribeirense levará a pleno un rogo relativo ao estado das barandas de protección das dúas pontes do paseo de O Carreiro, na parroquia de Aguiño, un lugar moi frecuentado tanto por veciños coma por visitantes.
Os socialistas manifestan que estas barandas “presentan evidencias de falta de mantemento, e necesitan dunha actuación de pintado inminente, xa que están dando mostras de oxidación en determinadas partes.”
Tamén engaden que “necesita unha revisión o entramado de protección, formado por un cableado de aceiro inox. que amosa a falta de suxección nos postes.”
Por todo isto, a formación solicita que se comuniquen as “eivas na infraestrutura” a Portos de Galicia para que se proceda á reparación e pintado antiferruxe.
