O grupo municipal do PSdeG-PSOE ribeirense levará a pleno un rogo relativo á limpeza de ríos e regatos do municipio co obxectivo de evitar desbordamentos e inundacións, enumerando os acontecidos nas últimas datas en determinados puntos da nosa xeografía “con daños de indeterminada cuantificación dineraria, e tamén persoal e patrimonial.”
Así, os socialistas requiren que se proceda á adecuación dos ríos e regatos do concello, “eliminando toda clase de maleza, troncos, etc., que podan causar atrancos e posteriores inundacións no noso municipio.” Algunhas das propostas que citan para efectuar os mencionados labores son o río da Mámoa (canalización Rosalía de Castro), Ameneiro, Grande, Listres e Esteirón, incidindo tamén no caso do Sanchanás.
