20191022. A Festa da Lingua Galega pechará este sábado 26 o ciclo de contacontos na biblioteca organizado polo Concello de Ribeira. Para tal ocasión, o evento contará coa visita de Os Bolechas, que repartirán agasallos entre os cativos que asistan ao Centro Cultural Lustres Rivas.
Trátase dunha contribución da Secretaría Xeral de Política Lingüística a unha actividade que tamén contará cunha función contacontos a cargo de Alicia Padín, responsable do Servizo Municipal de Normalización Lingüística e coordinadora do ciclo.
Ademais, se o tempo o permite, Os Bolechas pasearán polo centro da cidade a partir das 11.30 horas, acudindo ao Lustres Rivas ás 12.00 horas, e continuando novamente polas rúas ata as 13.00 horas.