20191009 O músico rianxeiro Antón Alcalde Rodríguez está entre os finalistas que optan á 30 edición dos Premios Compositores Novos que conceden a Fundación SGAE e a CNDM e cuxos galardóns entréganse o vindeiro 18 de novembro en Madrid. Antón Alcalde (Rianxo, 1992) compite no certame coa obra Firefly, que, xunto coas tres demais contribucións finalistas elixidas de todo o ámbito estatal, serán interpretadas polo conxunto instrumental Koan 2, baixo a dirección de José Ramón Encinar, no concerto final no que se decidirá ao gañador ou gañadora desta edición. O acto será no Auditorio 400 do Museo Nacional Centro de Arte Reina Sofía de Madrid, ao abeiro da tempada de concertos do CNDM.
A noite de Walpurgis de David Cantalejo Gómez (Bilbao, 1985); Firely de Antón Alcalde Rodríguez (Rianxo, A Coruña, 1992); Overthinking 1 C de María del Pilar Miralles Castillo (Almería, 1997); e Res nata. Reflexión ontológica sobre o ornamento de Bruno Angelo (Brasil, 1985) son as obras que optarán aos premios.
Trala interpretación das pezas a cargo de Koan 2, o xurado decidirá tras o seu escoita cal será a peza gañadora e a repartición dos seguintes galardóns: primeiro premio Xavier Montsalvatge, dotado con 6.000 euros; o segundo premio Carmelo Alonso Bernaola, de 3.000 euros; o terceiro premio Francisco Guerrero Marín, de 1.500 euros, e a mención honorífica Juan Crisóstomo Arriaga, recoñecida coa cantidade de 1.200 euros. Todos eles acompañados de diploma acreditativo.
A este catro galardóns súmase o Premio Especial JM España, que outorgará Juventudes Musicales de España.
