20191001. A Casa do Concello de Ribeira acolle unha nova mostra desde hoxe e ata o 25 de outubro. Desta vez, trátase dunha exposición colectiva de fotografía naval que conta cun total de 42 imaxes dos fotógrafos Luis Francisco Fernández Martínez, José Daniel Díaz, María Porta, Manuel Candal, Daniel Candal, Eduardo Sánchez Pérez, José Ricardo Rodríguez Montero, Diego Veiga, José Manuel Bermúdez Garrote, Pedro A. González, José Blanco e Carlos Rapela.
Na inauguración estiveron presentes a concelleira de Cultura, María Sampedro; a comisaria María José Carreira; e os fotógrafos Luis Francisco Fernández Martínez e José Ricardo Rodríguez Montero.
A mostra está organizada polo Concello de Ribeira e pola Asociación Galega de Fotógrafos Navais (AGFN).
