20191009. O Concello de Ribeira denuncia o roubo de numerosas táboas de madeira pertencentes ao paseo que se atopa na zona de Pinisqueira, na parroquia de Aguiño.
Dito paseo, que foi renovado recentemente pola Demarcación de Costas en Galicia, comezou a presentar a ausencia de táboas. Unha vez recibida a denuncia por parte dunha usuaria, empregados municipais achegáronse a constatar o sucedido.
Desde o Concello manifestan que, a partir de agora, reforzarase a presencia policial no entorno co obxectivo de evitar que se continúen cometendo estes roubos no paseo. Por parte da brigada municipal, procederase a repoñer as táboas subtraídas.
