20191013.- A Consellería de Educación, Universidade e Formación Profesional acaba de publicar a resolución cos centros que van desenvolver o programa Radio na Biblio ao longo do curso 2019/20. En total serán 80 os centros públicos – 30 deles de nova incorporación- que participen nesta iniciativa, que ten como obxectivo impulsar a creación de emisoras ou laboratorios radiofónicos no contexto da biblioteca escolar.
Os centros de nova incorporación recibirán fondos para a posta en marcha dun laboratorio de radio. Para iso contarán co apoio da Asesoría de Bibliotecas Escolares da Consellería,
que orientará o seu desenvolvemento e porá á súa disposición recursos e propostas. Na comarca continuarán participando na iniciativa os centros CEP Xosé María Brea Segade de Rianxo e CEIP Heroínas de Sálvora de Ribeira que recibirán 500 euros cada un e incorporase o CEIP de Olveira cunha dotación de 2.000 euros.
