O BNG pide paralizar a construción da depuradora de marisco no porto de Castiñeiras

25 Outubro 2019

A parlamentaria do BNG, Montse Prado, formulou hoxe unha pregunta, na Comisión de Pesca, relativa á construción da depuradora de marisco na parroquia ribeirense de Castiñeiras co “suposto visto bo de Portos e Costas.”

Montse Prado asegurou que a depuradora está causando alarma entre a veciñanza pola construción no porto, “unha obra no borde do litoral” que, segundo precisou, non conta coa licencia municipal e incorre nunha “ilegalidade.”

Tamén explicou que “a depuradora será instalada nunha zona de fraxilidade paisaxística”, situándose na liña costeira.

No proxecto, engadiu a nacionalista, “non se prevé  a evacuación das augas residuais e no lugar non existe ningunha conexión á rede pública polo que o lavado de moluscos e tráfico de vehículos incidirán moi negativamente no medioambiente.”

A deputada cualificou de “inxustificables” as explicacións da presidenta de Portos de Galicia e sinalou que o Concello de Ribeira “aprobou unha resolución sobre o incumprimento da lexislación urbanística vixente.” Ademais, indicou que “hai dabondo” instrumentos legais e informes negativos para que Portos “paralice esta actuación.” Así mesmo, Prado recalcou que a entidade conta coa “oposición dunha veciñanza que rexeita a utilización do peirao e a praia de Castiñeiras para unha depuradora de marisco no borde do litoral”, polo que volveu reclamar a “paralización da obra.”

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...