Unha nova actuación no concello de Ribeira permitirá a pavimentación de camiños no lugar de Sirves, na parroquia de Olveira. Esta iniciativa supón unha inversión de 182.411 euros, financiada no marco do Plan de Obras e Servizos (POS) provincial.
O obxectivo que se persegue con este proxecto consiste en mellorar os firmes actuais de tres vías mediante unha nova pavimentación asfáltica en quente, de entre cinco e seis centímetros de espesor. Con tal motivo, será preciso estender un total de 304 toneladas dunha mestura bituminosa.
O prazo de execución ascende a tres meses e as empresas interesadas dispoñen ata a medianoite do 28 de outubro para presentar as súas ofertas.
