Licitada a aplicación dun novo aglomerado nunha vía da parroquia ribeirense de Corrubedo

24 Outubro 2019

O Concello de Ribeira informa da licitación consistente na dotación de novo aglomerado á rúa Atalaia, en Corrubedo, unha das máis transitadas da parroquia ao servir como unha das principais vías de entrada e saída de tráfico rodado. Esta intervención conta cun orzamento que ascende a 51.627 euros, IVE incluído, financiados no marco do Plan de Obras e Servizos (POS) provincial.

Desde o Concello manifestan que o pavimento desta rúa está bastante deteriorado, razón pola cal se elaborou un proxecto dirixido a mellorar o firme cunha nova pavimentación asfáltica de 6 centímetros de espesor por unha extensión de 1.018 metros cadrados, previo fresado parcial do actual pavimento e limpeza das marxes.

O prazo de execución son dous meses e as empresas interesadas dispoñen ata a medianoite do 28 de outubro para presentar as súas ofertas.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...