Axentes da Policía Nacional adscritos á Comisaría de Ribeira procederon á detención de dúas mulleres de 36 e 40 anos, naturais de Vigo e Ribeira respectivamente, como presuntas autoras dun delito contra a saúde pública na súa modalidade de tráfico de drogas.
A policía atopábase realizando un dispositivo para a prevención de tráfico de drogas en Ribeira e, durante o mesmo, levaron a cabo a identificación das dúas mulleres, localizándose entre as súas pertenzas 60 gramos de diferentes sustancias estupefacientes, 2 teléfonos móbiles, 410 euros en efectivo en billetes de diverso valor, 1 navalla e 1 báscula de precisión, razón pola cal se procedeu á detención de ambas.
A unha das detidas cónstanlle antecedentes policiais por feitos similares.
Tras tramitarse as correspondentes dilixencias policiais, foron postas a disposición da autoridade xudicial, decretándose prisión provisional para unha delas.
