20191021. O sábado 19 conmemorouse o Día Mundial Contra o Cancro de Mama e na comarca desenvolvéronse numerosas actividades ao longo desta fin de semana co obxectivo de sensibilizar á cidadanía. Así, en Ribeira procedeuse á colocación de mesa informativa e cuestación anual na lonxa ou á celebración do I Festival Solidario Contra o Cancro, entre outros. A presidenta da xunta local ribeirense da Asociación Española Contra o Cancro (AECC), María José Carreira, sinala que, debido á climatoloxía do sábado, cancelouse a colocación de mesas informativas e cuestación anual en distintos emprazamentos da cidade, pero que agardan facelo o vindeiro sábado.
Por outra banda, máis de tres mil persoas participaron na terceira edición da Andaina Solidaria contra o cancro de mama en Boiro, a cal culminou coa realización dun enorme lazo na praza do Concello. Ademais, numerosos establecementos vestiron os seus escaparates de cor rosa.
