20191002. A xunta local de Ribeira da Asociación Española Contra o Cancro (AECC) pide a colaboración da cidadanía co obxectivo de recadar fondos para a investigación dunha cura do cancro de mama, pois a entidade sinala que “a incidencia na zona do Barbanza é moi elevada.”
Polo de momento, levan recadados máis de 200 euros -con preto dunha decena de donativos- e o propósito é acadar os 1500 euros. Toda aquela persoa que desexe colaborar dispón de 18 días para realizar a súa aportación a través da páxina web https://www.migranodearena.org/reto/20547/recaudacion-de-fondos-para-la-investigacion-contra-el-cancer-de-mama. Tamén se facilita unha conta bancaria para quen desexe facer unha transferencia.