20191009. A parroquia rianxeira de Leiro celebra esta fin de semana a Festa do Carme. Os festexos arrancarán o venres 11, ás 12.00 horas, coas 21 bombas de palenque. Xa pola noite, terá lugar unha gran churrascada, ás 21.30 horas, e as actuacións de Os Viqueiras de Ordes, ás 22.30 horas, e América de Vigo, ás 00.00 horas.
A xornada do sábado 12 estará dedicada a Santa Bárbara, comezando coas dianas e alboradas a cargo do Grupo de Gaitas Buxaina, ás 10.00 horas. A Misa cantada oficiarase ás 13.00 horas e, de seguido, haberá sesión vermú a cargo da orquestra Ciclomanía. Leirolandia chegará ás 18.30 horas con tren turístico, mentres que a noite estará amenizada por Ciclomanía e La Fórmula, a partir das 22.00 horas.
O último día de festas, domingo 13, será na honra da Virxe do Carme, iniciando con pasarrúas a cargo do Grupo de Gaitas Buxaina, ás 10.00 horas. A Misa cantada polo Coro Parroquial de San Vicente de Lestón oficiarase ás 12.30 horas e, a continuación, haberá sesión vermú coa orquestra Abanico, a cal volverá á noite coa súa actuación xunto con Panama Band, a partir das 20.00 horas.