20191008 A Real e Ilustre Cofradía da Dorna comunicou á súa ampla comunidade de socias e socios a apertura do prazo para para presentar propostas de candidatura para as vindeiras eleccións á directiva da entidade, que, como lembraremos, é a encargada da organización de todo o relativo á Festa da Dorna de Ribeira e ao seu completo programa de actividades (que se concentran no 24 de xullo e nos días previos a esta xornada, aínda que non se limitan exclusivamente a estes días).
A confraría lembra que antes de rematar este ano en curso “tocan eleccións”, e por este motivo fai un chamamento a todas as socias e socias que teñan interese en presentar unha candidatura a que se poñan en contacto coa actual directiva “para resolver todas as dúbidas que poidan xurdir para preparar os proxectos”. Poden facelo a través do Facebook da Cofradía da Dorna e de todas as canles de comunicación que se ofrecen neste recanto dixital permanentemente actualizado.