20190905. Con motivo da iniciativa ‘O teu Xacobeo’, A Pobra do Caramiñal albergará o sábado 7 unha visita teatralizada con Serafín Marcos baixo o título A Pobra Xacobea, percorrendo diversos emprazamentos da vila que gardan relación co camiño. Deste xeito, anticípase o Xacobeo 2021 cunha programación social e cultural que se desenvolverá en toda a xeografía galega durante o 2019 e 2020.
A actividade transcorrerá a partir das 20.30 horas, establecendo como punto de encontro a praza do Emigrante.
Para máis información ou resolver dúbidas, os interesados poden dirixirse á Casa Mariñeira ou ao teléfono 687482835.
