20190909. A sección sexta da Audiencia Provincial de A Coruña, con sede en Santiago, acollerá os días 11 e 12 do presente mes o xuízo contra a ribeirense acusada de apuñalar a un home en agosto do ano pasado. A Fiscalía pide 14 anos e medio de cárcere polos delitos de tentativa de homicidio, lesións e atentado.
Segundo o escrito da Fiscalía, a muller dirixiuse armada cun coitelo a unhas mesas dun bar situado na ribeirense avenida de A Coruña, onde se atopaba un home co cal mantivera un altercado pola desaparición do seu móbil. Cando outra muller, parella do varón, tentou calmala, recibiu unha apuñalada. Pola súa parte, o home foi acoitelado en dúas ocasións na rexión torácica e “con ánimo de matar” a este, polo que precisou tratamento cirúrxico e estivo ingresado na UCI.
Así mesmo, o Ministerio Público considera que a procesada é autora dun delito contra a autoridade, pois cando chegaron axentes da Policía Nacional arremeteu e abalanzouse contra eles empuñando a arma branca, resultando necesario desenfundar as súas armas reglamentarias para reducila. Deste xeito, a Fiscalía reclama outros 3 anos e medio de prisión.
Ademais da petición de cárcere, solicítase que a acusada indemnice ás vítimas con 6.000 e 2.000 euros, así como ao Sergas polos gastos médicos ocasionados.
