Sálvora e Corrubedo contarán con medidores do brillo do ceo

30 Setembro 2019
Orion and Canis Minor constellations and Sirius above horizon on a cold winter night. 13 sec exposure with ISO 2500. Moderate level of noise, color noise removed in raw-converter and in lab-mode without affect on details.

20190930 O concello de Ribeira contará con dous sensores de avaliación e seguimento do brillo do ceo, un na illa de Sálvora e outro en Corrubedo. O seu obxectivo será, basicamente, estudar os niveis de polución luminosa nas diferentes capas da atmosfera. Así o fixo saber a Xunta esta fin de semana, a través do seu anuncio da vindeira ampliación da Rede Galega de Sensores de Medición destinada a mellorar a capacidade destas infraestruturas. Segundo fixo saber MeteoGalicia, de quen depende a dita Rede, a ampliación será levada a cabo este ano. Incluirá a instalación de 20 novos sensores, que permitirán, tamén, “obter unha diagnose máis exacta sobre o grao de contaminación luminosa da Comunidade”.

O concurso para a adquisición destes equipos foi licitado por máis de 110.000 euros pola Consellería de Medio Ambiente, que vén de realizar a instalación dos catro primeiros sensores en A Coruña, O Rosal, Meis e Antas de Ulla e nos vindeiros meses completará a distribución de outros 16 nos seguintes concellos: Pontevedra, Santa Comba, Cervantes, Guitiriz, Viveiro, A Mezquita, Entrimo, Laza, Arbo, Cotobade, Ordes, Carnota, Ortigueira, Camariñas e Ribeira (onde, como dixemos, instalaranse dous, un en Corrubedo e un en Sálvora).

Segundo explica Medio Ambiente, estes detectores están polo xeral emprazados en puntos estratéxicos, tanto de zonas urbanas e periurbanas sometidas a “fortes emisións de luz”, como de áreas rurais e de montaña cunha exposición moito menor, e “permiten recoller datos con periodicidade minutal durante as 24 horas do día”. Os datos achegados son información de valor para facer consultas en tempo real na web de MeteoGalicia e, segundo este organismo autonómico, teñen un gran potencial para “coñecer en cada momento o estado do brillo do ceo e detectar e valorar os posíbeis cambios que se poidan producir”.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...