20190902. Máis de 150 bailaríns déronse cita este sábado en Ribeira con motivo da décima edición do festival Salsa na Rúa, inundando os diversos emprazamentos da cidade con son e baile.
O calendario constou de diversas accións repartidas ao longo da xornada entre a rúa Alcalá Galiano, a praza da Porta do Sol, o paseo do Malecón e a sede da escola de baile El Tomasón, con ritmos coma a bachata, a salsa cubana, a semba, a kizomba ou o zouk, entre outros.
Esta cita contou con profesionais chegados desde Brasil, Angola, Portugal, República Dominicana, Arxentina e España, ademais de contar coa participación de oito escolas de baile galegas con sede en Ourense, Vigo, A Coruña, Pontevedra, Santiago e Ribeira.
