20190905. A Xunta Directiva da Asociación Nacional de Agrupacións e Asociacións de Voluntarios de Protección Civil de España (ANAV Protección Civil España) vén de concederlle á Agrupación de Voluntarios de Protección Civil de Rianxo a Placa ao Mérito na súa Categoría Ouro. Esta condecoración outorgouse conforme ao disposto no artigo 1.5 do Regulamento de Recoñecementos, Honras e Condecoracións da Asociación Nacional de Agrupacións e Asociacións de Voluntarios de Protección Civil de España.
Pola súa parte, os premiados amosáronse “agradecidos, ilusionados, emocionados!!!”, sinalando que “este recoñecemento é gracias e para tòdol@s voluntari@s que pertenceron ou pertencen a nosa Agrupación.”
A distinción será entregada nunha cerimonia que se celebrará o 19 de outubro na Academia Galega de Seguridade Pública.
