20190924. O grupo municipal do PSdeG-PSOE ribeirense presenta ao pleno unha serie de preguntas en relación aos postes de telefonía situados no “medio da calzada” da rúa Río Azor, en Palmeira.
A formación política expón que as obras de pavimentación da citada rúa foron executadas “recentemente” e que debido á situación destes postes “moitos veciños e usuarios da vía pública mostran o seu sentir desconforme coa permanencia”, ademais de que “esixen a súa retirada xa que poden provocar un accidente de tráfico de consecuencias impredecibles.”
Por todo isto, os socialistas formulan “Sr. Alcalde, cál é motivo de que non se retirasen os postes do medio da calzada?”; “están realizadas as xestións pertinentes coa compañía telefónica suministradora?”; e “para cando estima o traslado/retirada da liña de telefonía da vía pública?”
