20190911. Despois de varios meses de descanso desfrutando da época estival, os cativos volven ás aulas, concretamente o alumnado de infantil e primaria. Algúns máis contentos ca outros, pero todos cos mesmos nervios e ganas de reencontrarse cos seus compañeiros. Agora toca superar o curso escolar 2019-2020 coa mochila cargada de enerxía, ilusión e novo material.
Por outra banda, setembro supón un desembolso de varios centos de euros para as familias, pois é preciso comprar libros, cadernos, roupa e calzado, entre outros. A cantidade varía dependendo de se a crianza cursa os seus estudos nun centro público, privado ou concertado.
A próxima semana tócalle a quenda á Educación Secundaria Obrigatoria (ESO) e Bacharelato.
