Nova oportunidade de formación para os maiores de 50 anos en Rianxo

24 Setembro 2019

20190924. O cuarto ciclo de Camiños de experiencia e coñecemento achegará formación universitaria a maiores de 50 anos en Rianxo. Este proxecto de democratización do coñecemento conta cun amplo programa. Deste xeito, o martes, 15 de outubro, terá lugar a clase de economía circular ‘O novo reto socioeconómico que xa está aquí’ a cargo de Gumersindo Feijoo Costa e María Teresa Moreira Vilar. Volverán o mércores, 16 de outubro, coa parte práctica.

O xoves, 17 de outubro, será a quenda de Álvaro Dosil Rosende con ‘O cine como linguaxe’, celebrándose o venres, 18 de outubro, a parte práctica.

O martes, 22 de outubro, chega o seminario teórico-práctico (I): ‘Matemáticas, pídechas o corpo!’ da man de Beatriz Álvarez Díaz, Laura Dávila Pena e Érika Diz Pita. Esta cita terá continuidade na xornada do martes, 29 de outubro, coa segunda parte deste seminario.

María Canedo Barreiro será a encargada de ofrecer o curso ‘Tesouros agochados no rural’ o xoves, 24 de outubro, que proseguirá o venres, 25 de outubro, cunha visita á igrexa de Santa Comba de Rianxo.

Tódalas actividades se desenvolverán en horario de 16.30 a 18.00 horas na aula do Centro Sociocultural-Auditorio de Rianxo. A matrícula é gratuíta e os interesados poden formalizala no enderezo electrónico cultura@concelloderianxo.gal ou de maneira presencial no propio Auditorio, así como solicitar máis información se o precisan.

Outros artigos

Publicidade

Revista en papel

Opinión