Este mércores comezan as festas de Santa Uxía

10 Setembro 2019
Igrexa parroquial de Santa Uxía de Ribeira

20190910 Este mércores 11 de setembro comeza en Ribeira (até o sábado 14) o seu terceiro e último capítulo festeiro estival (logo da Dorna e as festas do verán): as festas da patroa local, Santa Uxía. O programa de celebracións será completo e variado, achegando actividades para residentes e visitantes de todas as idades e, por suposto, sen descoidar as demandas da rapazada (haberá inchables, teatro, contos e música, entre outras cousas). Entre as principais citas da axenda figuran os concertos da orquestra Panorama (o primeiro día das festas no paseo do Malecón a partir das 22.30 horas) e da Banda Xangai (revisitación do movemento músico-cultural bravú), o venres 13 a partir das 23.00 horas. O programa complétase cunha vintena de eventos musicais, culturais e relixiosos.

As celebracións tamén terán un importante ingrediente artístico, coa inauguración da mostra e entrega do X Premio Internacional Atlante do Gravado, no Museo do Gravado de Artes, ás 13.00 horas do derradeiro día; ou deportivo, coas rutas en veleiro pola ría de Arousa previstas para o 13 baixo o nome de Riveira no Camiño con catro saídas programadas para as 11.00, 12.30, 17.00 e 18.30 horas, dentro do programa O teu Xacobeo do Xacobeo 2021.

A propia parroquia de Santa Uxía leva a cabo, entre outras actividades, as exposicións Mundo en feminino e Soñando un futuro, ambas organizadas por Mans Unidas, ademais de conferencias, concertos e a Misa solemne do xoves 12, ás 12.00 horas, cantada pola Coral do Círculo Mercantil e Industrial de Ribeira coa posterior procesión. Para aquelas persoas que non poden asistir pola mañá, ofíciase Mmsa novamente pola tarde, ás 20.30 horas.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...