Axóuxere achega un outono de liberdade creativa da man de Raquel Ferrández, Henrique Komatsu e Joelle Saliba

24 Setembro 2019

20190924 Os integrantes do selo editorial Axóuxere, con sede en Rianxo, entenden a vida como un proceso creador, que -contra as paramétricas actuais da sociedade capitalista- realízase no coñecemento, na autoexpresión e no despregue do ser de cada un. É esa unha das razóns polas que a editora configurou un espazo na aldea de Brión (Leiro, Rianxo), entre o ano 2011 e comezos do 2014, retomándose no verán de 2017. O proceso de Axóuxere volve tomar forma desta volta mediante unha serie de actividades públicas que se levarán a cabo entre os meses de outubro e decembro deste ano.

Os protagonistas serán: a filósofa galega Raquel Ferrández, o escritor brasileiro Henrique Komatsu e a escritora libanesa Joelle Saliba, residentes este outono na casa de Brión (Rianxo), dentro do programa de residencias de escritoras/es e pensadoras/es que a Axóuxere organiza xunto coa Deputación da Coruña e máis o Concello de Rianxo.

Raquel Ferrández

Máis polo miúdo, en outubro será a quenda de Raquel Ferrández, o sábado 19 de 11 a 14h e de 17 a 20h na Biblioteca Municipal de Rianxo e o domingo 20 de outubro de 11 a 14h na Casa de Axóuxere Editora (Brión, Rianxo) co seu seminario de pensamento Filosofías indias e occidentais da mente: meditación e neurociencia.Previamente, o 18 de outubro na biblioteca local, a partir das 20.00 horas, Raquel Ferrández achegará a conferencia Experiencia mística e expresión artística na filosofía india.

Henrique Komatsu

Polo que se refire á contribución do brasileiro Henrique Komatsu, desenvolverá en novembro o obradoiro de literatura A escrita como forma de resignificar a realidade, no que se discutirá unha vertente determinada do acto de escribir, que á súa capacidade para dar un novo significado á realidade. A intención é abordar este punto a través de encontros: encontro coa propia cuestión, encontro cos problemas decorrentes desa cuestión, encontro co concepto de escrita, encontro con diferentes realidades, encontro cos significados, coas palabras, etc. O obradoiro será os días 24 e 25 de novembro, o primeiro día na Biblioteca de Rianxo (de 11 a 14 e de 17 a 20) e o segundo na Casa de Axóuxere en Brión (de 11 a 14 horas).

Previamente, o día 22 ás 20 horas, na Biblioteca de Rianxo, Komatsu achegará a seguinte conversa: O ensaio e a resignificación da realidade.

Joelle Saliba

A cabalo entre novembro e decembro, a escritora e pensadora Joelle Saliba dirixirá o obradoiro de literatura Que é o que pasaría se, que servirá entre outras cousas para explorar os mundos posíbeis que poden medrar a partir dun ou dous elementos narrativos: as pezas que actuarán como os puntos de intersección entre un incidente que tivo lugar no mundo real do participante (o que é) e un mundo virtual (o que pasaría se) que se actualizará a través da ficción. Este obradoiro desenvolverase os días 30 de novembro (na Biblioteca de Rianxo, pola mañá e pola tarde) e 1 de decembro (só en horario de mañá, na Casa de Axóuxere en Brión).

Previamente, o día 29 na Biblioteca, Saliba ofrecerá a conferencia Do fondo á fronte: como o espazo se converte nun personaxe. Esta actividade realizarase ás 20 horas, na Biblioteca de Rianxo.

Para máis información sobre o programa de actividades de Axóuxere para este outono, a editorial puxo na súa web un PDF con todos os datos explicados polo miúdo, indicando como facermos a inscrición nos seminarios e obradoiros.

Outros artigos

O 24 de xullo abre as súas portas a Feira do Libro de Rianxo

A Feira do Libro de Rianxo vai celebrar a súa edición 2024 entre o 24 e o 27 de xullo, novamente no Campo de Arriba de Rianxo. Horario: 12.00 - 14.00 horas // 18.30 - 22.30 horas. Fin de semana e festivos peche pola mañá ás 14.30 horas. Organizan a Xunta, a Federación...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...