20190926. Unha vez rematada a época estival, os catro centros de recepción de visitantes de carácter turístico existentes no municipio de Ribeira fixeron balance das visitas contabilizadas. Así, as oficinas situadas no Malecón, Xarás, parque periurbano de San Roque e Centro de Interpretación do Ecosistema Litoral de Galicia (CIELGA) arroxaron unha cifra global de 8.172 consultas.
Cómpre destacar que a Casa da Costa do CIELGA sumou durante os meses de xullo e agosto un total de 3.491 consultas -1.315 e 2.176, respectivamente-.
En canto aos puntos de información turística dependentes do Concello -Malecón, Xarás e San Roque-, acadaron un total de 4.681 consultas no período comprendido desde o 15 de xuño ao 15 de setembro.
Ademais, estes datos correspóndense con consultas de visitantes atendidas por persoal de distintos centros, polo que, desde o Concello sinalan, “non equivalen ás moitísimas persoas que, de xeito autoguiado e sen estar contabilizadas, acudiron a lugares de interese como o citado complexo dunar ou outros enclaves como o parque periurbano de San Roque, o miradoiro de Pedra da Ra ou o Castro da Cidá.”
