20190919. O colectivo de Amas de Casa e a Asociación de Empresarios de Ribeira asinaron un convenio enfocado no fomento, colaboración e divulgación do comercio local do citado municipio. Trátase do primeiro acordo deste tipo rubricado entre ambas entidades, o cal beneficiará a tódalas partes implicadas segundo manifestaron.
Deste xeito, as socias das Amas de Casa desfrutarán, exceptuando na época de rebaixas, de descontos e promocións por parte dos establecementos adheridos a este documento, os cales estipularán estas ofertas. Ademais, as asociadas terán unha bonificación no aparcamento subterráneo co obxectivo de facilitar as compras.
Así mesmo, a entidade das Amas de Casa presentou o novo carné de socia, en tamaño tarxeta e de PVC, onde constarán os datos persoais. Para a súa solicitude, é preciso pasar pola sede situada en Ribeira, na rúa Monumento 5 Entreplanta. Desta maneira, a nomeada tarxeta deberá ir acompañada do DNI no momento de realizar as compras.
