A ribeirense Ana Peleteiro, na listaxe para o Mundial de Doha

16 Setembro 2019
Ana Peleteiro, en Belgrado, nunha imaxe publicada na Galipedia

20190916 Xa é oficial dende a semana pasada. A deportista ribeirense Ana Peleteiro está na listaxe de integrantes do equipo español de atletismo que competirán no Mundial de Doha, que se celebra entre o 27 de setembro e o 6 de outubro. Peleteiro, campioa en triplo salto, é unha das grandes favoritas do mundo para facerse coa medalla de outro. A listaxe foi publicada o xoves pasado, 12 de setembro, logo dos últimos detalles pechados polo director deportivo, Antonio Sánchez, e máis o seleccionador nacional, José Peiró.

O equipo está formado por 40 deportistas, 28 homes e 12 mulleres, sendo a plusmarquista Ana Peleteiro unha das principais figuras do grupo, xunto con Orlando Ortega, Marta Pérez, Fernando Carro ou Javier Cienfuegos, entre outras e outros.

Ana Peleteiro viaxará á Doha nas mellores condicións físicas e nun óptimo intre da súa carreira deportiva, tal e como quedou patente este mes de setembro cando acadou no Campionato de España de Atletismo (celebrado en Alicante) o cuarto título de campioa de España en triplo salto ao aire libre. A ribeirense triunfou nos dous primeiros chimpos, os cales superaron a barreira dos 14 metros, sendo o segundo de 14.20 o que lle outorgou o título.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión