A Banda Xangai achegará a Ribeira a súa relectura do bravú

06 Setembro 2019

As Festas de Santa Uxía, en Ribeira os días 11, 12, 13 e 14, constitúen a traca final dun verán cargado de tracas. É posíbel rematalo ao grande durante estas festividades? Pois non só é posíbel, é que é inevitábel. Boa parte da culpa vaina ter a Banda Xangai, que forma parte dun programa de vinte eventos musicais, culturais e relixiosos e cuxa actuación está prevista para o venres 13 deste mes, a partir das 23.00 horas.

A Banda Xangai, que recolle no seu nome o alcume do tren que uniu Galicia e Catalunya durante anos (un tren de esperanzas e de entrecruzamento cultural), é en si mesma unha suma de moitas cousas: dun amplo elenco de artistas procedentes de diferentes grupos (todos eles históricos no noso panorama musical) e dun completo abano de estilos (bravú, rumba, regueifa, rap, merengue ou mesmo punk).

Xúntanse na Banda Xangai nomes importantes da música galega, de bandas xermolo do movemento Bravú e proxectos posteriores: Os Diplomáticos de Monte Alto (Xurxo Souto e Pulpiño Viascón), Os Papaqueixos (Xan Xove e Antón Díaz), O Jarbanzo Negro (Nacho López), Dios Ke Te Crew (García), As Garotas de Ribeira (Sofía Tarela), A Magnifique Bande dos Home Sen Medo (Martiño Mato e Olivier Cano)… Xuntas e xuntos conforman, nas súas palabras, “unha locomotora musical de vocación festiva”.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...