20190822. O sábado 24 Rianxo converterase, un ano máis, na capital galega do xadrez coa disputa do XI Torneo Internacional Concello de Rianxo, organizado polo Club Xadrez Rianxo coa colaboración do Servizo de Deportes.
Os máis de 200 participantes que se darán cita e a presencia de varios grandes mestres internacionais darán lugar a unha competición de altísimo nivel con máis de quince xogadores que superan os 2.000 puntos de Elo Fide. Así mesmo, a asistencia de xogadores estranxeiros reforza o carácter internacional deste evento.
Ademais, procederase ao sorteo de agasallos para as categorías de promoción, máis de 2.000 euros en premios ou lotes de Conservas Cortizo, entre outros.
Por outra banda, os tres clubs de fútbol do municipio con equipo sénior –CCD Taragoña, SD Araño e CD Unión- competirán en Vilas polo trofeo do Concello, organizado nesta edición polo CD Unión.
Os partidos terán lugar ás 19.00 horas entre SD Araño e CCD Taragoña; ás 20.00 horas entre CD Unión e perdedor 1; e ás 21.00 horas entre CD Unión e o gañador 1.
