20180805.- Nova edición da Feira Artesanal e Mariñeira Artemar 2019 en Riveira do 15 ó 18 de Agosto.
A Praza do Concello, a Rúa de Galicia, a Rúa de Rosalía de Castro, a Rúa Santa Uxía, a Rúa Manel Lustres Rivas, o Paseo do Malecón serán os escenarios para esta nova edición .
O horario de apertura deste mercado será: Xoves 15 de agosto: de 12:00 a 15:00 e de 18:00 a 24:00 horas, o venres 16 de agosto: de 12:00 a 15:00 e de 18:00 a 24:00 horas, o sábado 17 de agosto: de 12:00 a 15:00 e de 18:00 a 24:00 horas e o domingo 18 de agosto: de 12:00 a 15:00 e de 18:00 a 24:00 horas.
Ademais dunha coidada decoración mariñeira, o mercado contará con animación teatral, pasarrúas, personaxes mariños, música, monicreques, xogos e atraccións infantís, talleres demostrativo. Información e solicitudes: info@lafraguadevulcano.es Tel. 963 400 037
- BASES CONCURSO MELLOR TAPA DA FEIRA ARTEMAR RIVEIRA 2019
- O Concello de Riveira, xunto coa Asociación de Empresarios e a hostalería de Riveira, con motivo da celebración de ARTEMAR RIVEIRA 2019, convocan un “Concurso da Mellor Tapa da Feira”. O produto será degustado á media mañá e á tardiña do xoves 15, venres 16, sábado 17 e domingo 18 de agosto e cun custo de 2,00 € cada tapa. Dacordo as seguintes bases:
- PRIMEIRA.- Poderán participar neste concurso todos os establecementos de hostalería e restauración do Concello de Riveira que se adscriban a este proxecto. A inscrición nesta ruta supón a aceptación das presentes condicións de participación, así como de eventuais instrucións que adopte a organización.
- SEGUNDA.- As tapas teñen que estar realizadas con produtos do mar e deberán servirse á media mañá e á tardiña do xoves 15, venres 16, sábado 17 e domingo 18 de agosto.
- TERCEIRA.- Para participar neste concurso deberán inscribirse antes das 11.00 horas do día xoves 8 de agosto de 2019 nos seguintes contactos: Concello de Riveira (www.riveira.gal): Sandra Fernández. Tel.: 686 587 000 Correo electrónico: sanroqueturismo@gmail.com Asociación de Empresarios de Riveira Tel.: 981 873 719; correo@empresariosriveira.com
- CUARTA.- Para a valoración da tapa dos distintos establecementos hostaleiros empregarase o sistema de VOTACIÓN POPULAR, os cidadáns poderán elixir a mellor tapa da hostalería a través dunha papeleta que poderán atopar no stand da Asoc. Riveira Escríbese con V e depositala nunhas urnas habilitadas ao efecto, ao longo do evento.
- QUINTA.- Ao gañador do concurso entregaráselle un PREMIO por ser a mellor tapa da FEIRA ARTEMAR 2019. Tamén se lle fará entrega dun diploma acreditativo a todos os participantes no concurso
- SEXTA.- A entrega do premio terá lugar nun acto público convocado ao efecto, ao que se lle dará a publicidade adecuada.
- SEPTIMA.- O evento será publicado nas diferentes redes sociais e páxinas web. O nome dos establecementos participantes figurarán nos folletos de difusión ao público en xeral.
- OITAVA.- A participación na devandita ruta de tapas supón a aceptación das presentes bases así como a aceptación do criterio que estableza a organización para resolver cantas cuestións se producisen durante o desenvolvemento do evento. Calquera dúbida será atendida polo Concello de Riveira