Proseguen en agosto as visitas guiadas ao Museo Valle-Inclán

13 Agosto 2019

20190813 O Concello da Pobra segue adiante este mes de agosto (e até setembro) co seu programa de visitas guiadas ao Museo Valle-Inclán, unha actividade de divulgación que, tal como sinalamos no seu día dende O Barbanza, ofrécese todos o mércores (incluído mañá) e é de balde. As recepcións aos visitantes, que comezan ás 13.00 horas, poñen o foco en dous ámbitos temáticos fundamentais: o importante legado literario do escritor, moi ligado a Pobra do Caramiñal, onde tivo residencia familiar e pasou longas estadías ao longo da súa vida, e, por outra banda, a importancia artística e histórica do propio museo, a Torre de Bermúdez, declarado monumento histórico-artístico de carácter nacional.

Segundo lembra estes días o Concello, as xeiras divulgativas que ofrece cada mércores o museo son unha boa oportunidade para coñecermos as diferentes coleccións que acubilla o edificio, ou, tamén, para descubrir máis detalles do seu protagonista.

A duración estimada da cita é de 45 minutos e precísase un grupo mínimo de 4 persoas para o seu desenvolvemento. As inscricións poden realizarse chamando ao 981831662 ou enviando un correo electrónico a museo.valleinclan@apobra.gal.

O Museo Valle-Inclán da Pobra, para quen non o saiba, atesoura manuscritos orixinais do autor de Divinas palabras e Tirano Banderas e foi o primeiro acubillo das súas características que rendeu homenaxe ao escritor arousán, inaugurado de forma oficial en 1987 na Torre de Bermúdez, pazo erixido entre 1540 e 1545.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Hacia la España federal”. Xosé Perozo

“Hacia la España federal”. Xosé Perozo

Si se cumplen las predicciones demoscópicas, el próximo domingo EH Bildu ganará las elecciones en el País Vasco, superando por primera vez al PNV en escaños y en votos. El fenómeno de crecimiento abertzale está rasgando las vestiduras de muchos politólogos y...