Palmeira exaltará esta fin de semana o polbo

20 Agosto 2019

20190820. A Festa do Polbo de Palmeira celebrará esta fin de semana a súa sexta edición coa pretensión de vender unha tonelada de octópodo entre os comensais que se acheguen ao certame no recinto portuario desta parroquia ribeirense. Ademais, haberá empanada, churrasco e mexillóns, entre outros. Unha variada oferta gastronómica a prezos populares.

O concelleiro palmeirán Emilio Pérez, acompañado da edil de Cultura María Sampedro, deu a coñecer hoxe as características da feira, que abrirá as súas portas o sábado 24 e conta cun amplo abano de actividades.

Emilio Pérez lembrou que no primeiro ano contouse cunha carpa de 250 metros cadrados e que, co progresivo crecemento e consolidación do evento, nesta convocatoria disporase dunha instalación de 1.400 metros cadrados na que, unha vez máis, Manuel Veloso estará ao mando dos fogóns.

A prestixiosa oncóloga e investigadora Manuela Gago Domínguez será a encargada de ofrecer o pregón da festa o sábado 24 ás 20.00 horas. Antes, a xornada empezará con pasarrúas a cargo da charanga Os Atrevidos e do grupo de gaitas Xiada. Ás 12.00 horas, haberá unha sesión vermú co grupo Liantes de Artes, mentres que, ás 19.30 horas, actuarán os grupos de gaitas Xalunde e Xiada. Xa pola noite, a partir das 22.00 horas, o grupo Rokolas ofrecerá un concerto.

Por outra banda, a xornada do domingo 25 comezará con pasarrúas a cargo do grupo de gaitas O Rueiro para, ás 12.00 horas, dar paso a unha sesión vermú a cargo do grupo Versus. Na tarde, ás 20.00 horas, terá lugar unha exhibición de kárate-kempo polo Club Kempo Barbanza. O concerto de Pan de Leña, ás 22.00 horas, porá o broche final a este festexo.

O concelleiro agradeceu a colaboración dos bares Baluarte, A de Alejandro e Manolo o do Café, así como da comisión de festas.

María Sampedro sumouse a este agradecemento e animou a veciños e visitantes a que pasen por Palmeira para desfrutar desta xornada gastronómica.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...