20190801. Os usuarios do hospital do Barbanza poderán volver facer uso do servizo do quiosco, o cal pechou as súas portas o pasado 21 de maio por xubilación.
Foron moitos os que botaron en falta as prestacións deste posto, especialmente enfermos e acompañantes, ao que acudían en busca de algo para ler e facer máis soportables o transcurso das horas e dos días.
Tras a xubilación da propietaria, quen tamén posuía os quioscos dos hospitais Clínico Universitario de Santiago e Provincial de Conxo, sacouse a concurso a adxudicación do servizo, o cal xa foi resolto. Deste xeito, o luns, 5 de agosto, volverán a abrirse as súas portas.
