20190828. Profesionais que desenvolven a súa actividade no peirao de Ribeira seguen sendo vítimas dos roubos cometidos por amigos do alleo. Non hai ninguén que estea a salvo. Por exemplo, esta fin de semana furtaron o combustible dos depósitos dun camión. Isto tradúcese nunha perda económica, pero tamén nunha falta de seguridade.
Respecto disto último, os afectados quéixanse das deficiencias de seguridade que presenta o porto ribeirense. Por isto, piden medidas de seguridade nun dos peiraos máis importantes de Galicia.
Ademais de dar servizo aos traballadores do sector pesqueiro, este emprazamento é de acceso libre, polo que non é raro atopar persoas alleas a esta actividade paseando ou facendo uso do aparcadoiro.
