20190801. O actor Luis Iglesia ofreceu na noite de onte o pregón inaugural desde o balcón do Consistorio cunha intervención na que non faltaron alusións á súa relación con Ribeira, sendo un habitual das programacións da Mostra de Teatro, e a súa particular admiración por algúns dos veciños desta localidade, tales coma Andrés Torres Queiruga, Xosé Ramón Barreiro, Quico Cadaval, Toñito de Poi, Ana Peleteiro, os futbolistas Suco I, Suco II, Fran e José Ramón ou o finado intérprete Tuto Vázquez.
Na mañá de hoxe, a actuación infantil do pallaso Píter divertiu aos cativos congregados na praza do Concello, logo de que o día comezase coas 21 bombas de palenque e as dianas e alboradas.
