O Carme dos Pincheiros chega este venres á Pobra do Caramiñal

13 Agosto 2019

20190813. A Casa do Concello da Pobra do Caramiñal acolleu esta mañá a presentación do Carme dos Pincheiros que se celebrará desde a tarde do 16 ao 19 de agosto, coincidindo co terceiro domingo do mes, día no que ten lugar a procesión. Pero xa se ofertou un pequeno adianto o sábado 10 cunha sardiñada. O alcalde pobrense Xosé Lois Piñeiro, a concelleira de Cultura, Patricia Lojo, e varios membros da comisión destes festexos, entre os que se atopaban José Francisco Millán, Jesús Maneiro, Jean Louis e José Hermo.

Esta festa caracterízase, entre outras cousas, polas comparsas de xigantes e cabezudos que alegran coa súa música e bailes os emprazamentos do municipio –incluída a residencia de maiores-, así como a celebración dos San Xuerguíns, no cal participa a mocidade e que culmina coa festa da auga o sábado 17, ás 16.30 horas.

Tamén destaca a cantidade de agrupacións de música tradicional e os concertos de bandas de toda Galicia que forman parte deste evento. E, como non podía ser doutro xeito, as imprescindibles orquestras.

De feito, este ano actuarán, entre outros, o Grupo de Gaitas Trécola, a charanga Os Santiaguiños, Golpe Radikal, a Banda de Música de Caamaño, a Banda de Música de Ribadumia, o Grupo de Gaitas Xiada, a orquestra Malibú Show e a orquestra Alabama. En total, ao redor da trintena de agrupacións.

O pregón deste ano correrá a cargo das mariscadoras e terá lugar o venres 16, ás 21.00 horas, desde o balcón do Concello.

O domingo 18, ás 18.30 horas, terá lugar a Misa solemne na honra da Virxe do Carme, cantada pola capela de música Lauda Sion. Ao remate, sairá en procesión a imaxe da figura relixiosa, portada por membros da Confraría do Santo Cristo, acompañada dos distintos banderíns e da Banda Militar da Brilat, da Banda de Música Santa Cruz de Ribadulla e dos xigantes e cabezudos da Confraría do Carme dos Pincheiros, coa colaboración da escola de danza Asociación de Amas de Casa da Pobra. No peirao realizarase a ofrenda das coroas de flores por membros da Asociación de Amas de Casa e da Confraría de Pescadores. Finalmente, lanzarase a tradicional traca de fogos.

Na xornada do luns 19, ás 18.30 horas, oficiarase a Misa solemne por tódolos confrades falecidos, cantada por Lauda Sion. A continuación, desfilarán os xigantes e cabezudos da Confraría do Carme dos Pincheiros pola estrada principal ata a praza Segundo Durán, acompañados dos grupos de gaitas Trécola, Rumbía, Barlovento, Xiada, A.F. Chorimas, A.F.C. O Pedrón e da Banda de Música Ateneo Musical da Pobra.

Así mesmo, os máis pequenos da casa divertiranse cos numerosos xogos e tamén haberá festa de escuma.

A queima dos fogos de artificio e o combate naval poñerán o broche de ouro a catro días de festa.

Co obxectivo de garantir a seguridade, o rexedor anunciou que contarán con Protección Civil, Policía Local e un destacamento do Parque de Bombeiros de Boiro.  Do mesmo xeito, avanzou que están negociando cos feirantes para que o luns 19, en horario de 20.00 a 21.00 horas, as atraccións funcionen de balde e sen música para facilitar que as nenas e nenos que padezan autismo, TDAH ou trastornos similares poidan divertirse con estes xogos. Pola súa parte, a edil expresou que “entre todos facemos que sexan unhas festas inclusivas, que se celebren con respecto e tolerancia e que sexan libres de calquera manifestación de violencia.”

Outros artigos

A Pobra prepárase para pedalear no 14 de xullo coa Festa da Bici

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta....

+

CONGALSA estreita lazos empresariais con Portugal

CONGALSA, empresa especializada en alimentación de produtos do mar con sede na Pobra do Caramiñal, reforza a súa estratexia internacional estreitando lazos coa principal asociación de empresarios de Portugal, AEP Associaçao Empresarial de Portugal. Deste xeito, a...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...