20190830. As remeiras do Náutico de Riveira lograron converterse nas últimas clasificadas para disputar a Bandera de La Concha cun tempo de 11’45’’10. Mentres tanto, as crucenses quedaron ás portas da final, conseguindo o oitavo posto da clasificatoria con 11’53’’78.
Suso Silva, técnico do Náutico de Riveira indicou que viviron esa xornada “con moito nerviosismo e ao mesmo tempo moitas ganas de demostrar o traballo que levamos feito durante estes tres meses.” Para conseguir o seu obxectivo, “decidimos sacrificar outros resultados durante estas regatas previas.” A pesar de que “non saíu a regata que queríamos perfecta”, lograron asinar o sétimo posto na clasificatoria. Respecto disto, o técnico afirma que “foi un cúmulo de emocións a todo o que levamos pasado durante tres meses, tivemos moitos infortunios, moitos problemas, moitos comentarios que van minando un pouco a moral.” Agora “toca ir a por todas e intentar remar como nós sabemos” enfrontándose a equipos coma Orio para ondear a bandeira.