20190812. A quinta edición da Festa da Solla do Ulla celebrouse este sábado na praza da Veliña de Leiro e contou coa presenza da conselleira do Mar, Rosa Quintana, así como membros da corporación municipal de Rianxo coma a primeira tenente de alcalde, María del Carmen Figueira. A cita arrancou co pregón seguido do xantar, onde se puido degustar este peixe tanto cocido coma frito. Ademais, houbo churrasco e o ambiente estivo amenizado por un DJ e un dúo.
O festexo deste evento gastronómico estivo organizado pola Asociación de Solleiros do Ulla e contou coa colaboración do Concello de Rianxo, da Comisión de Festas do Carme de Leiro e do Furancho A Veliña.
