20190801. Continúan os festexos en Ribeira. O día de hoxe comezou, ás 09.30 horas, con 21 bombas de palenque para dar paso, ás 11.00 horas, ás dianas e alboradas que percorren os emprazamentos ao son das gaitas. Ás 12.00 horas, a praza do Concello volverá a ser escenario dun novo espectáculo. Desta vez, tócalle a quenda ao pallaso Píter.
Xa pola noite é o momento da verbena. O Malecón acollerá, ás 22.30 horas, a actuación da orquestra Tango, co seu segundo pase previsto para as 01.00 horas. Ademais, destaca o espectáculo de danza da compañía de Fran Sieira titulado Entre Soños, o cal terá lugar na praza de España, ás 23.00 horas.
