20190826. A Consellería de Infraestruturas e Mobilidade, a través de Augas de Galicia, eliminou un punto de vertido de augas residuais en Ribeira.
Os técnicos de Augas de Galicia, tras a notificación de alerta por parte do 112, desprazáronse a Ribeira, onde detectaron un punto de vertido na zona do paseo das Carolinas.
Na inspección comprobouse que tivo lugar unha fractura da estrutura de formigón que recubre a rede de sumidoiros que descorre polo lugar, cedendo un dos pozos desta rede e producíndose un vertido nas inmediacións da praia de Coroso.
A Xunta solicitoulle ao Concello a realización de medidas para solucionar a situación, polo que se puxeron en marcha todas as actuacións precisas para a subsanación do vertido, que quedou emendado.
Posteriormente, e logo de confirmación da eliminación do vertido por parte da empresa xestora da rede, Augas de Galicia desprazouse á zona comprobando a efectividade das medidas adoptadas, consistentes no selado das fisuras motivadas pola fractura acontecida.
