20190814. O Teatro Calavera presenta o espectáculo Chocolate para o xoves 22, ás 20.30 horas, no pobrense Cantón da Leña.
Esta actividade mestura narración oral coa posta en escena teatral. Os protagonistas son un cociñeiro e unha pasteleira, Antón e Tomasa, aos que lles encanta cociñar moitas aventuras. Ademais, na segunda parte desenvólvese o obradoiro de cociña ‘Brochetas de froitas con chocolate fondue’ co cal se procura a participación dos cativos.
Este evento está organizado pola Concellería de Cultura da Pobra do Caramiñal en colaboración coa Rede Cultural da Deputación da Coruña.
