Ana Miranda insta á Comisión Europea a vixiar a protección dos espazos incluídos na Rede Natura

20 Agosto 2019

20190820. A voceira do BNG en Europa, Ana Miranda, considera “moi preocupante” a situación dos espazos incluídos na Rede Natura, na que se atopa a illa de Sálvora. Desta maneira, insta á Comisión Europea a vixiar o cumprimento das directrices comunitarias en materia medioambiental e ao respecto da Directiva Marco da Auga.

Miranda salienta que “o perigo que corre a illa de Sálvora, unha área mariña protexida, é un claro exemplo do desleixo das administracións cos diferentes espazos que temos en Galiza de gran riqueza ecolóxica, pesqueira e marisqueira.”

A voceira engade que “como é posible que en vinte anos as administracións galegas e estatal permitan acumular un monte de lodo e áridos de 25 metros de altura nunha área mariña protexida a só dúas millas da franxa de protección de Sálvora?”, e mesmo afirma que “é hora de poñer fin a esta situación tan prexudicial.”

Segundo indica Ana Miranda, “estamos diante dunha total irresponsabilidade non só desde o punto de vista medioambiental, senón tamén económico” ao considerar que están en xogo centos de postos de traballo do sector marisqueiro, pesqueiro e turístico da proximidade de Sálvora. Tamén apunta que así o teñen denunciado en diversas ocasións tanto a Plataforma de Defensa da Ría de Arousa coma o BNG de Ribeira.

Dada esta situación, Miranda entende que é “indispensable” a actuación da Comisión Europea, manifestando que “tanto neste como noutros casos sabemos que a única esperanza está nas decisións que se adopten en Bruxelas.” Deste xeito, lembra que a Comisión de Peticións reabriu a denuncia sobre a Ría do Burgo e a Ría de Vigo e posibilitou a comparecencia dos representantes da Plataforma en Defensa da Ría de Vigo e o patrón maior da Confraría da Coruña para explicar a falta de saneamento integral destes espazos.

Ana Miranda subliña que “desde o BNG opoñémonos a que Sálvora ou calquera outro punto do noso país, sexa ría ou río, se convertan nun vertedoiro” e avanza que a loita polo saneamento das augas e o cumprimento da Directiva Marco da Auga será unha das liñas de actuación da vindeira lexislatura.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...